无线歌唱比赛节目《声梦传奇2》日前公布23位参赛者名单，由于上一届孕育出炎明熹、姚焯菲同钟柔美几位新一代嘅实力歌手，所以今届节目未出街，观众对众学员都已经相当好奇，其中21岁嘅赵小婷（Pamela）更系焦点之一。

阅读全文 赵小婷表示要走出舒适圈参赛（图片来源：[email protected] ） 日前拍完宣传片就贴新相谷收视（图片来源：[email protected] ）

赵小婷翻唱《劲浪漫超温馨》获汤令山派心 同MC张天斌互相追踪IG

赵小婷来头一啲都唔简单，好有演出经验。自小受爸爸音乐薰陶嘅佢，十几岁已经喺街头Busking，15岁𠮶年因为翻唱Dear Jane《爱情三部曲》爆红，更不时喺IG贴出自弹自唱片段，就连MC张天赋、[email protected]、冯允谦、梁钊峰@C AllStar以及师姐菊梓乔都有追踪佢。其中翻唱《劲浪漫超温馨》，原唱人汤令山留言表示钟意。赵小婷亦曾签约星梦做歌手，可想而知唱功有返咁上下。

翻唱《劲浪漫超温馨》获原唱汤令山派心（图片来源：[email protected] ） IG有唔少星级followers，当然赵小婷都有互相follow（图片来源：[email protected]）

赵小婷今年「唔读医」

赵小婷唱得之余，亦系一名学霸，佢嘅YouTube Channel除咗有唱歌片，仲有返学上堂Vlog，俾fans更了解及认识佢，又有分享考DSE嘅血泪史，同留言观众有问有答，有考生话听完佢讲解之后清晰咗好多。不得不提，赵小婷颜值都相当高分，配以清新甜美嘅外表，未正式出道就有逾3.7万人Follow！早前佢曾经喺个人Vlog上透露过自己今年「唔读医」，而原因系佢正修读的学系（MBBS）Year 3 学生正进行「Enrichment Year」，所有学生都会各散东西去做自己钟意嘅事情，而赵小婷除咗选择参赛之外，亦都正修读一个与运动相关的学科，认真系「时间管理大师」！

呢张福利图好难得，赵小婷少有喺IG骚长腿，（图片来源：[email protected] ） 自弹自唱跌膊Look，又有另一番风味（图片来源：[email protected]）

拍片分享DSE秘诀，仲会解答留言观众问题，好尽量嘅「老师」（图片来源：Pam [email protected]）

赵小婷就读港大医科 从许廷铿获启发参赛

佢多年前接受传媒访问时讲过，父母从来冇逼佢读书，一切出于自觉。例如考试前一星期会拍定多啲翻唱短片备用，考试期间就删除IG以免分心，仲认为唱歌系舒压良方。赵小婷透露自己喺许廷铿身上获得重大启发，佢现正就读港大医科，而许廷铿就同时兼顾牙医及歌手事业，赵小婷觉得自己都可以有同样嘅双重身份，加上屋企人嘅鼓励，令佢决定报名参加《声梦传奇2》。

十几岁就开始街头Busking，回头率极高（图片来源：Ar Tak [email protected]截图） 淡定度似足职业歌手（图片来源：Ar Tak [email protected]）

赵小婷接受唔同嘅自己 走出舒适圈

正式入围《声梦传奇2》，日前赵小婷喺IG诉心声话决定参赛一啲都唔不简单，报名前一个月每日都挣扎犹豫：「但截止前的一天，我妈咪及家姐很诚恳地再次鼓励我——难道你不想挑战自己唱歌上的极限吗？难道你不想更多人听见你的声音吗？难道你想白白看着机会流走吗？」最后佢抱住一个信念，就系唔好俾自己后悔，所以先行出咗呢一步，又借大会嘅主题「我超越我」表示：「有时就系要踏出comfort zone（舒适圈），接受唔同嘅自己，先有新嘅突破」，性格积极正面嘅佢喺正式比赛𠮶阵，唔知有几多观众会被佢嘅歌声感染呢？

赵小婷以兼顾医生同歌手两个身份发展为目标（图片来源：[email protected]）